ეკა ჭკუასელი

ეკა ჭკუასელი

მთავარი ქორეოგრაფი
ღირსების ორდენის კავალერი

ეკა ჭკუასელი 10 წლის ასაკიდან ეზიარა ქართული ხალხური ცეკვის ხელოვნებას, რაშიც უდიდესი წვლილი სახელოვან ქორეოგრაფს, რევაზ ჭოხონელიძეს მიუძღვის.

1982-1983 წლებში ეკა თბილისის სასოფლო სამეურნეო ინსტიტუტთან არსებულ ქორეოგრაფიულ ანსამბლ „გორდაში“ ცეკვავდა, ბესიკ სვანიძის ხელმძღვანელობით.

1984-1986 წლებში ქ. ქუთაისის სიმღერისა და ცეკვის სახელმწიფო ანსამბლში ცეკვავდა. (სამხატვრო ხელმძღვანელი - ჯემალ ჭკუასელი, მთავარი ქორეოგრაფი - ენვერ გუჯაბიძე).

1987-2008 წლებში საქართველოს სიმღერისა და ცეკვის სახელმწიფო დამსახურებული აკადემიური ანსამბლის „ერისიონის“ მსახიობი, მოცეკვავე და სოლისტი გახლდათ.

1999 წლიდან არის ანსამბლ „ერისიონის“  რეპეტიტორ - ქორეოგრაფი. ეკა ჭკუასელი დროის უდიდეს ნაწილს სწორედ „ერისიონში“ ატარებს და თავდაუზოგავად შრომობს ანსამბლის პირველობისა და აღიარებისთვის.

1996 წლიდან არის ანსამბლ „ერისიონთან“ არსებული ბავშვთა ქორეოგრაფიული სკოლა - „ლაპრების“ სამხატვრო ხელმძღვანელი.

2016 წლიდან   ეკა ჭკუასელი „ერისიონის"  მთავარი ქორეოგრაფია.