შოუ-პროგრამა
სადაც მუსიკა, წარმოდგენა და კულტურა სიცოცხლეს ჰპოვებს!
დავლური-ქართული
ჩვენს დრომდე მოღწეული, სადარბაზო, სატრფიალო, რომანტიკული შინაარსის ცეკვაა, რომელიც სრულდებოდა სამეფო კარზე. ცეკვა ქართული ხალხური ქორეოგრაფიის მწვერვალად შეიძლება ჩაითვალოს.
კინტოური
ქალაქური ტიპის ცეკვათა რიცხვს განეკუთვნება და თავისი არსით ძველი ქალაქის ცხოვრებას ასახავს, თავად ცეკვის სახელწოდება, ძველი თბილისის კოლორიტი წვრილი ვაჭრების, კინტოების სახელს უკავშირდება.
იმერული ყანური
იმერული შრომის სიმღერა.
გურული ფერხული
ძველი საზეიმო ხალხურო ცეკვა, სამსართულიანი ფერხული, რომელიც სრულდება გურიაში ორპირული სამხმიანი სიმღერის თანხლებით.
ხასანბეგურა
ისტორიულ - საგმირო ხასიათის გურული სიმღერა.
ხორუმი
ცეკვა ხორუმი საბრძოლო ხასათის ცეკვაა, ხორუმი ცეკვაში განსახიერებული სიმბოლოა ქართველ მებრძოლთა ვაჟკაცობისა და დიდებულებისა.
ნანა
ქართველი ქალის კდემამოსილების ამსახველი ცეკვაა, რომელიც გვიჩვენებს ქართველი ქალების ემოციებსა და გრძნობებს.
ყაზბეგური
საქართველოს მთიანეთში დაბადებული ეს ცეკვა გამოირჩევა თავისი დამახასიათებელი მკაცრი საცეკვაო მოძრაობებით. ცეკვას, რომელსაც მხოლოდ ვაჟები ასრულებდნენ მთაში.
ქალაი
ერისიონის ცეკვა "ქალაი", რომელიც დაფუძნებულია მოცეკვავე წყვილის სიყვარულის ამბავზე
სვანური ფერხული
ეს არის საზეიმო სარიტუალო ხასიათის საფერხულო ცეკვა, რომელიც სრულდება სიმღერის თანხლებით და აჩვენებს სვანეთის რეგიონში მცხოვრები ხალხის ძლიერ ხასიათს.
ვოისა-ჰარირა
მეგრული საფერხულო, სატრფიალო, საზეიმო სიმღერა, რომელიც სრულდება ცეკვის თანხლებით.
ქართლ-კახური
სიმღერის თანხლებით საზეიმო ცეკვაა, რომელიც სრულდებოდა ქართლსა და კახეთში.
აფხაზური
სახუმარო სიმღერა მოცეკვავეთა თანხლებით, რომელიც ასახავს საზეიმო განწყობას და სახალხო დღესასწაულს.
თეშ იღბალი
სატრფიალო მეგრული სასიყვარულო სიმღერა.
აჭარული
ეს არის შავი ზღვის პირას მცხოვრები ხალხის სატრფიალო ხასიათის ცეკვა, რომელშიც ქალ-ვაჟის სიყვარული გადმოცემულია ლირიული სიმღერითა და ცეკვით.
ოდოია
მეგრული პოლიფონიური, შრომის სიმღერაა. სრულდებოდა ყანის მარგვლისა და თოხნის დროს.
მთიები
„მთიებში“ წარმოდგენილია ზეიმი მთაში. ახალგაზრდა ვაჟები თავბრუდამხვევი ცეცხლოვანი ილეთებით და გოგონები სინარნარით აწონებენ ერთმანეთს თავს. პაექრობაში ჩართულია მომღერალთა გუნდი, რითაც ერთიანობაში დაუვიწყარ სანახაობას ქმნიან.
ყუმურის ნადური
იმერული პოლიფონიური, შრომის სიმღერაა. სრულდებოდა ყანის მარგვლისა და თოხნის დროს.
სიმდი
ეს ცეკვა ოსეთის რეგიონიდან იღებს სათავეს, რომელიც წყვილთა ნელ და ზუსტ მოძრაობებზეა აგებული. ამ ცეკვის მთავარი სილამაზე მოცეკვავეთა მწკრივების რიტმულ, ერთიან ტრიალსა და მათი შავ-თეთრი სამოსის მონაცველობა- კონტრასტს ეფუძნება. შესრულებაში განსაკუთრებით რთული და ამასთანავე სანახაობრივად ულამაზესია, სოლისტი მამაკაცის პარტია.
ჩაკრულო
ქართლ-კახური კლასიკური, საგუნდო, პოლიფონიური, საგმირო ჰეროიკული ხასიათის სუფრული სიმღერა.
ხევსურული - ფარიკაობა
ლამაზი ქალის სიყვარულს ერთმანეთს ეცილება ორი ვაჟკაცი. მათი პაექრობა თავიანთ მეგობრებთან ერთად გადაიზრდება ხმლის კვეთებით ორთაბრძოლაში, რომელიც ღებულობს ომის ხასიათს. ბრძოლის შეჩერება შეუძლია მხოლოდ ქალის მანდილს, აქ ხაზგასმულია ქალის მანდილის პატივისცემა და ზოგადად ქალის მიმართ კდემამოსილება.
ფინალი
ფინალში წარმოდგენილია პატარა ამონარიდები საკონცერტო პროგრამის ყველა ნომრიდან.
